Foto ilustruese
Dy klane shqiptare janë përleshur me armë zjarri në Teramo. Kanë qenë qytetarët ata që kanë parë të gjithë skenën dhe kanë mbetur të terrorizuar.
Për fat të mirë nga të shtënat nuk pati viktima. Njëri prej shqiptarëve arriti të arratisej në zonën e plazhit, ndërsa kishte marrë edhe një plumb në këmbë.
Ai u dërgua në spital dhe është jashtë rrezikut për jetën. Sipas autoriteteve italiane, shkak për konfliktin janë bërë pazaret për drogë.
Sipas asaj që raporton Messagero, i plagosuri ishte me miqtë e tij,kur u ndalua nga një makinë, ku ndodheshin brenda 4 shqiptarë të tjerë.
Dy prej tyre e ndoqën të plagosurin në plazh dhe më pas nxorrën armët për ta vrarë, por vetëm e plagosën.
