Banorët e zonës kishin kërkuar shumë herë që rruga të rregullohej, të pajisej me kamera dhe tabela që kufizonin shpejtësinë, por autoritetet nuk kishin ndërhyrë. LEXO KETU
Rruga e “mallkuar” në rajonin e Reggio Emilia-s, në Itali, mori mbrëmë jetën e 4 anëtarëve të një familjeje shqiptare, pas aksidentit të rëndë. Makina me të cilën po udhëtonin 5 anëtarët e familjes doli nga rruga dhe u përplas me një shtëpi të pabanuar. Nëna 22-vjeçare, djali i saj 2 vjeç, ndërruan jetë ndërsa babai që po drejtonte makinën u transportua në gjendje të rëndë në spitalin Reggio Emilia. Dy viktimat e tjerë janë vëllai (12 vjeç) dhe motra (8 vjeçe) e 22-vjeçares.
Viktimat u identifikuan si: Shane Hyseni, hy 22 vjeçe, Mattias Lame, 2 vjeç, Rejana Hyseni, 8 vjeçe dhe Resat Hyseni 11 vjeç.
Ngjarja e rëndë ndodhi mbrëmjen e djeshme rreth orës 20:00 në Via Emilia midis Cadé dhe Villa Gaida, ndërsa babai që po drejtonte automjetin tip ‘Fiat Stilo’ humbi kontrollin, doli nga rruga dhe u përplas me një shtëpi.
Menjëherë pas ngjarjes, forcat zjarrfikëse shkuan në vendin e ngjarjes për të nxjerrë trupat nga makina e shkatërruar.
Policia italiane po punon për të ndërtuar dinamikën e aksidentit. Sipas të dhënave të para, mësohet se makina ishte me shpejtësi kur doli nga rruga. Rruga alternative ku ndodhi aksidenti është shumë e frekuentuar nga shoferët kur autostrada është e mbingarkuar.
Tani, pas aksidentit fatal për jetën e 4 personave, banorët kujtojnë se kanë kërkuar shpesh nga institucionet që të vendosen kamera shpejtësie dhe limiti të jetë 30 km/h në zonë.
