Kina ka pezulluar taksat doganore shtesë mbi prodhimet amerikane që do të hyjnë në fuqi sot, pas njoftimit të premten nga Pekini dhe Uashingtoni për një armëpushim në luftën e tyre tregtare. “Kina pezulloi hyrjen në fuqi të taksave prej 10% dhe 5% mbi disa importe amerikane dhe ajo do të vazhdojë të ndërpresë taksat shtesë mbi automjetetet dhe pjesët e prodhuara në SHBA”, deklaroi sot Ministria kineze e Financave.
Kjo masë i ndërmor pas anulimit nga presidenti ameirkan, Donald Trump të taksave të reja të njoftuara për prodhimet kineze, në kuadër të marrëveshjes paraprake mes dy vendeve. Ministria kineze e Tregtisë njoftoi të premten se kishte arritur me SHBA-në një marrëveshje paraprake që parashikon një tërheqje progresive të tarifave doganore dhe mbrojtjen e të drejtave të pronësisë intelektuale.
