Teksa viktimat po shtohen përditë nga virusi misterioz, kinezët kanë filluar të masakrojnë kafshët e tyre shtëpiake nga frika e koronavirusit. Përballë lajmeve që kafshët e gjalla mund të jenë burimi i infeksionit, shumë pronarë kafshësh në zonat në karantinë kanë hedhur nga ballkonet qentë dhe macet e tyre.Në disa foto të shpërndara nëpër mediat e huaja shihen qenë dhe mace të ngordhura nëpër rrugë. Raportimet kryesore për këtë ngjarje vijnë nga provinca Hubei, një nga vatrat kryesore të virusit, por raste të tilla janë identifikuar edhe në Shanghai.
