Të tjera detaje dalin në dritë nga vrasja që tronditi mbrëmë Malësinë e Madhe, ku një 58-vjeçari që jetonte prej vitesh në Angli iu bë atentat. Ngjarja e rëndë ndodhi në fshatin Reç rreth orës 22:50.
Gazetari Senad Nikshiqi raporton për ‘BalkanWeb’ se Sokol Çelaj ishte duke udhëtuar së bashku me gruan e tij drejt banesës së tyre në Reç, ndërkohë që person i paidentifikuar i zuri pritë dhe e qëlloi.
Në lidhje me ngjarjen, gazetari ka siguruar dëshminë e gruas, e cila pohoi se nuk kishte parë dot autorin, duke shtuar se kishte dëgjuar vetëm krisma dhe më pas kishte parë g jakun. Sipas saj autori kishte qëlluar direkt. Ngjarja në fjalë ndodhi shumë pranë banesës së çiftit. Mësohet se v iktima prej gati 20 vitesh jetonte në Angli, ndërkohë që në atdhe ishte kthyer më 18 gusht për pushime.
Mësohet se autori e ka qëlluar Çelajn me p istoletë dy herë, ku një p lumb e ka kapur afër zemrës dhe një tjetër në pjesën e sipërme të brinjëve. Sipas policisë, vi ktima humbi jetën pak pasi u transportua në spital. Aktualisht po hetohet rreth identifikimit dhe kapjes së autorit/ve të ngjarjes.
