Policia e Shtetit ka bërë një inspektim 3 orësh me radar në aksin Sauk-Teg, mbrëmjen e kaluar dhe është përballur me diçka që ndoshta as vetë nuk e priste. Në një njoftim të bërë publik, policia bën të ditur se gjatë këtij orari nuk është evidentuar asnjë mjet i cili qarkullonteme mbi 100 km/h. Autoritetetet bëjnë me dije se shpejtësia maksimale ka qenë 98 km/h.
“Vërtet nuk u tërhoq asnjë leje drejtimi, por s’ka më mirë. E kjo është merkulli, pasi ndryshe nga mbrëmë ku dhe në fokusin e kamerës së një televizioni u evidentuan shpejtësi deri në 175 km/h, shpejtësi gati vrastare, sonte asnjë e tillë.” shkruan ndër të tjera policia.
Njoftimi i plotë Live : Në aksin Sauk-Teg. Me Policinë Rrugore, me radar për të parandaluar aksidentet rrugore që shkaktohen si pasojë e shpejtësisë tej normave të lejuara
Për tre orë asnjë shpejtësi mbi 100 km/h, por janë evidentuar shpejtësi nga 93-98 km/h në këtë aks që më parë ishte vërtet problematik përsa i përket ngjarjeve rrugore, por monitorimi i pandërprerë me radar e Patrulla të Policisë Rrugore ka parandaluar në maksimum aksidentet në këtë rrugë. Vërtet nuk u tërhoq asnjë leje drejtimi, por s’ka më mirë. Sepse qëllimi jonë s’është të reklamojmë sa patenta heqim, qëllimi është të sensibilizojmë, për të parandaluar aksidentet rrugore.
E kjo është merkulli, pasi ndryshe nga mbrëmë ku dhe në fokusin e kamerës së një televizioni u evidentuan shpejtësi deri në 175 km/h, shpejtësi gati vrastare, sonte asnjë e tillë. Do vijojmë përditë e përnatë, pa asnjë ndërprerje, me të gjitha mjetet logjistike dhe kapacitetet në burime njerëzore që Policia Rrugore ka në dispozicion në të gjithë vendin, që viti 2020 të mbyllet me prioritet të realizuar, “VITI I SIGURISË RRUGORE.”
