Prej vitesh banorët e fshatit Gjoricë në Bashkinë e Bulqizës vuajnë mungesën e ujit të pijshëm. Ata thonë se furnizohen nga fshatra të tjerë pasi edhe uji i puseve nuk përdoret për konsum.
Këtu jemi në fshatin Gjoricë, pjesë e bashkisë së Bulziqës. Banorët prej vitesh kanë vetëm një kërkesë. Të furnizohen me ujë të pijshëm që mungon prej 30 vitesh. Mbijetojnë me burime alternative. Ujin e puseve e përdorin për vaditje, pasi ndotet nga ujërat e zeza që janë të padisiplinuara.
Banorët tregojnë se projekti që nisi për ndërtimin e ujësjellësit ka ngecur dhe nuk dinë të shpjegojnë as arsyen. Për mungesën e ujit të pijshëm kanë organizuar disa protesta, por problem i tyre nuk mori kurrë zgjidhje.
