Eloida Goxhi është zgjedhur ditën e sotme anëtare e KLP-së, duke zënë vendin e Besnik Canit. Ajo ka marrë 104 vota pro dhe do të marrë vendin e lënë bosh nga Besnik Cani, i cili më 27 shkurt 2020 u shkarkua duke qenë se i dolën probleme me pasurine, aftësitë profesionale dhe shkeljen e etikës.
Ditën e sotme, Moisi Duda, prokuror i Apelit, mori automatikisht vendin tjetër që ishte bosh. Ndërsa 4 prokurorët e tjerë që ishin në garë për vendin e dytë të lirë ishin:Zeqir Hoda, prokuror, Prokuroria pranë Gjykatës së Shkallës së Parë, Tiranë; Eloida Goxhi, prokuror, Prokuroria pranë Gjykatës së Shkallës së Parë, Berat; Albert Kuliçi, prokuror, Prokuroria pranë Gjykatës së Shkallës së Parë, Vlorë; Elona Alvora, prokurore, Prokuroria pranë Gjykatës së Shkallës së Parë, Vlorë.
