Futbolli gj.a.k.ovar ka marrë një lajm të trishtë së fundmi, pasi një prej tifozëve më të moshuar të Vëllaznimit Myrteza Këndusi – Xaja ka ndërruar jetë. I pari i futbollit kosovar Agim Ademi i ka dërguar mesazh ngushëllimi familjes së tij si dhe klubit të Vëllaznimit.
Njoftimi i FFK-së: “Të nderuar drejtues të KF “Vëllaznimi” dhe tifozë të futbollit në Gj/akovë,
Me dhimbje të thellë e morëm lajmin për ndarjen nga jeta të më të dashurit tuaj dhe të njërit prej tifozëve më të moshuar të KF ‘Vëllaznimi’ dhe futbollit kosovar në përgjithësi, Myrteza Këndusi – Xaja, andaj më lejoni që në emrin tim, KE të FFK-së, klubeve dhe gjithë komunitetit të futbollit në Kosovë të ju shpreh ngushëllimet tona më të sinqerta. Xaja ishte shembull për të gjithë dashamirët e futbollit dhe sportit në Gj.akovë e më gjerë. Ai ishte i pranishëm në çdo ndeshje futbolli, por edhe në ngjarjet tjera sportive në këtë qytet. Për Xajën, stadiumi ishte shtëpia e tij e dytë, derisa përkushtimi dhe dashuria ndaj futbollit bëri që ai të gëzonte kudo respekt të madh nga komuniteti sportiv.
Xaja ishte një njeri i urtë, mik i shkëlqyeshëm dhe i nderuar në mesin e futbollistëve e tifozëve, ndaj si i tillë do të kujtohet përherë.
I qoftë i lehtë dheu i Kosovës!
Me respekt, Agim Ademi, president i FFK-së”.
