Tirana është një nga klubet shqiptare që u ka ardhur në ndihmë banorëve të prekur nga tërmetet. Ashtu si shumë njerëz dhe klube në Shqipëri edhe skuadra bardheblu ka dhënë kontributin e saj dhe vijon ende me ndihmat.
Ditën e djeshme janë shpërndarë ndihma për 80 familje në nevojë në Ndroq, madje lojtarë dhe drejtues të klubit kanë trokitur edhe vetë në dyert e shtëpive për t’i shpërndarë personalisht ndihmat. Me anë të një postimi, Tirana ka publikuar pamjet nga ndihmat dhe shpërndarja e tyre.
