“Komisariati Dixhital”/ 836 denoncime në një javë

Policia Rrugore në të gjithë vendin, vijon bashkëpunimin me komunitetin, duke reaguar në kohë dhe me përgjegjësi ndaj ankesave dhe shkeljeve të adresuara nga qytetarët çdo ditë, me qëllim disiplinimin, por edhe ndërgjegjësimin e përdoruesve të rrugës, me zbatimin e rregullave të qarkullimit rrugor si e vetmja mënyrë për të parandaluar ngjarjet rrugore dhe konfuzionin në trafik.Sipas njoftimit të Policisë Rrugore gjatë javës që shkoj në numrin e emergjencave 112 dhe në adresa të tjera zyrtare të Policisë së Shtetit janë administruar 836 denoncime nëpërmjet aplikacionit “Komisariati Dixhital” nga qytetarët, për raste të paligjshmërisë në fushën e qarkullimit rrugor, ndërtimeve pa leje, vjedhjeve, prishjes së rendit dhe qetësisë publike, korrupsionit dhe armëmbajtjes pa leje.Me shkarkimin e këtij aplikacioni në telefonin celular, çdo qytetar është në gjendje të raportojë në kohë reale në Policinë e Shtetit nëpërmjet fotove, videove apo e teksteve, për rastet e dyshuara të shkeljes së ligjit.Aplikacioni “Komisariati Dixhital”, ka për qëllim nxitjen e bashkëpunimit mes qytetarëve dhe Policisë së Shtetit për rritjen e parametrave të sigurisë publike dhe një kontroll më të mirë të territorit të vendit. /a.a/ /a.g/ATSH