Kontrolle policore në të gjithë qarkun e Vlorës me qëllim parandalimin e kultivimit të bimëve narkotike (Video)

Policia e Vlorës Kontrolle policore në të gjithë qarkun e Vlorës me qëllim parandalimin e kultivimit të bimëve narkotike. Pas detyrave të dhëna një ditë më parë nga Drejtori i Përgjithshëm i Policisë së Shtetit, duke filluar që sot në orët e para të mëngjesit dhe në vijim janë duke kryer kontrolle në terren, nga 33 grupe me 165 punonjës policie të Drejtorisë Vendore të Policisë Vlorë duke përfshirë Komisariatet korespondente – Himarë, Sarandë dhe Delvinë. Në të gjithë Qarkun Vlorë janë kontrolluar ambiente të mbyllura dhe të hapura si; sera, tunele, ish-reparte ushtarake, magazina objekte të tjera të braktisura apo territore të pyllëzuara që dyshohet se mund të shfrytëzohen për kultivim të bimëve narkotike. Gjatë kontrolleve të territorit dhe ambienteve, deri tani nuk është konstatuar asnjë rast i kultivimit të bimëve narkotike. Kontrollet masive do vazhdojnë edhe në javët apo muajt në vijim.