Një 58-vjeçar ka ndërruar jetë mëngjesin e sotëm, në spitalin e Korçës në rrethana të dyshimta.m Telha Kelo nga fshati Pojan ishte shtruar në spitalin e Korçës në repartin e Kirurgjisë, sipas familjarëve ai nuk ka patur ndonjë problem përveçse dhimbje koke dhe barku, por sipas tyre i ka munguar trajtimi i specializuar.
Familjarët gjithashtu thonë se 58-vjeçari po kurohej prej dy ditësh nga tëmthi, ndërkohë që kanë kërkuar ta transferojnë në spitalin e Tiranës. Trupi i Telha Kelos ndodhet në morg që prej orës 08:00 nga ku pritet të kryhen ekspertiza mjekoligjore. Ndërkohë policia ndodhet në spitalin e Korçës dhe Prokuroria e Korçës ka filluar çështjen hetimore për “mjekim të pakujdesshëm” pas vdekjes së një 58-vjeçari.
