Sipas agjensisë së lajmeve të Koresë së Jugut “Yonhap”, Koreja e Veriut ka lëshuar dy raketa të tjera drejt bregut lindor në Detin e Japonisë.
Shtabi i Përgjithshëm i Ushtrisë Popullore të Seulit, ka saktësuar se raketat ishin me rreze të shkurtër veprimi dhe janë hedhur në orën 08.01 dhe 8.16 me orën lokale, nga qyteti bregdetar i Tongchon në provincën lindore të Kangwon.
Autoritetet e Koresë së Jugut kanë sqaruar se raketat do të analizohen nga inteligjenca në Seul dhe Washington.
Kryeministri japonez Shinzo Abe ka konfirmuar lëshimin e raketave duke shtuar se ato nuk kanë patur asnjë ndikim në sigurinë e Japonisë .
“Ne do të jemi në gatishmëri dhe do të vazhdojmë të marrim të gjitha masat e nevojshme për të mbrojtur popullsinë duke koordinuar verpimet me vendet e tjera si Shtetet e Bashkuara”- tha Shinzo Abe
Autoritetet e Pyongyang-ut kanë njoftuar se do t’I japing fund bisedimeve të paqes me Seul-in.
“Ne nuk kemi asgjë tjetër për të biseduar me autoritetet e Koresë së Jugut dhe nuk kemi ndërmend të ulemi përsëri me ta në tryezën e bisSeuledimeve”, thuhet në një njoftim të Komitetit të ribashkimin paqësor të vendit Koresë së Veriut.
Seria e provave balistike vjen pasi Donald Trump dhe Kim Jong-un ranë dakord në samitin e qershorit për të rifilluar negociatat e demilitarizimit bërthamorë.
