Pas shpërndarjes së koronavirusit në Itali, ka reaguar kryeministri Edi Rama.
Përmes një postimi në rrjetet sociale, Rama ka shpërndarë fjalën e Drejtueses së departamentit të epidemiologjisë në Institutin e Shëndetit Publik, Silva Bino, ku thekson se në vendint tonë nuk ka persona të prekur me koronavirus.
Rama shprehet në reagimin e tij që mos bien pre e lajmeve të rreme, ndërsa deklaron se Shqipëria ka marrë të gjitha masat e nevojshme për t’u përballur me koronavirusin
Reagimi
🔴KORONAVIRUSI NUK E KA PREKUR SHQIPËRINË! POR SI PËR GJITHË BOTËN ËSHTË NJË KËRCËNIM POTENCIAL, PËR TË CILIN JANË MARRË TË GJITHA MASAT NË RAST SE DO TË NA DUHET TA PËRBALLIM
🔴TË NJËJTAT MENDJE TË SHTHURRURA, QË JU SHQETËSUAN KEQ ME LAJMET FALLCO DHE ME GOJËLIGËSINË E TYRE GJATË DITËVE E NETËVE TË GJATA PAS TËRMETIT, JANË NË VEPRIM
🔴MOS BINI PRE E TYRE DHE JINI TË SIGURT SE SHTETI SHQIPTAR PO E BËN PREJ KOHËSH DETYRËN PËR TË QENË GATI NË RAST SHFAQJEJE TË KORONAVIRUSIT, TË CILIN JEMI GATI TA PËRBALLIM ME ORGANIZIM E PROFESIONALIZËM TË LARTË./ Opinion.al
