Kosova ka dështuar të martën në përpjekjen e saj për t’u bërë pjesë e INTERPOL-it.
Klan Kosova raportoi se edhe pas raundit të dytë të votimit vendi nuk ka arritur të marrë 2/3 e votave për t’u bërë pjesë e njërit nga mekanizmat më të rëndësishëm të sigurisë në botë.
“Në votimin e dytë Kosova ka marrë vetëm 68 vota pro, 51 kundër si dhe 16 shtete kanë abstenuar, ndërsa në raundin e parë nga 154 vende, Kosova mori 76 pro, 56 kundër dhe 22 abstenime”, tha Klan Kosova.
Më parë, Kosova ka aplikuar tri herë për t’u anëtarësuar në INTERPOL, fillimisht në vitin 2010, më pas në vitin 2015 si dhe në vitin 2017 – ky i fundit u tërhoq me vendim të kryeministrit Ramush Haradinaj.
