Moti i përkeqësuar që prej mbrëmjes së djeshme në qytetin e Vlorës, pezullohet lundrimi detar .
Trageti i linjës Vlorë- Brindisi ka mbërritur mëngjesin e sotëm, ndërsa ka kryer zbarkimin e pasagjerëve më vështirësi për shkak të dallgëve dhe më pas ka dal në det të hapur duke pritur përmersimin e situatës meteorologjike.
Sipas kapitenerisë së portit Vlorë moti i përkeqësuar me erëra që arrijnë deri ne 20 m/s si dhe deti me fuqi deri në 7 ball në det të hapur dhe deri në 5 ball në gji, do të vijojë edhe ditën e nesërme. Sipas shërbimeve portuale, lundrimi detar do të vijojë i pezulluar edhe për ditën e nesërme, deri në përmirësimin e situatës .
Ndërkohë që janë njoftuar dhe mjetet detare më të vogla si peshkarexhet që të rrinë të ankoruaar në Tri Port deri në përmirësimin e situatës.
