Christian Vieri në një intervistë të dhënë së fundi për “Daily Mail” e cilësoi Fenomenin Ronaldo si më të mirë se Cristiano Ronaldo. Dy sulmuesit do të mbahen mend si ndër më të mirët në histori, por mes tyre ka dallime të mëdha kur bëhet fjalë për statistikat. “The Sun” publikoi shifrat e të tyre, teksa portugezi do të ketë ende shifra për të përmirësuar.
Braziliani shënoi 326 gola në 462 ndeshje, me një mesatare prej 0.7 golash për ndeshje me klube. Në krahun tjetër, CR7 ka realizuar 610 gola në 793 ndeshje për klube, me një mesatare prej 0.8 për ndeshje. Me Kombëtaren, Ronaldo Fenomeni 62 gola, ndërkohë që Ronaldo ka arritur shifrën e 99 golave deri më tani.
Në trofetë e fituar dallimi vijon të jetë i madh, me brazilianin që ka fituar 17 trofe në total, nga 32 të sulmuesit portugez. Cristiano Ronaldo ndërkohë ka fituar 5 “Topa të Artë”, nga dy që ka fituar “Fenomeni” në karrierë. Portugezi ka pasur avantazhin e pësimit të pak dëmtimeve, krejt ndryshe nga braziliani që u dorëzua shpejtë dhe më pas pati edhe probleme me mbipeshën.
