Hetimet për vrasjen e frikshme të një shqiptareje në Ampelokipi të Greqisë nga bashkëshorti i saj 39-vjeçar vijojnë ende.

Sipas informacioneve të fundit, është gjetur çekiçi me të cilin 39-vjeçari Kastriot Cenko ka goditur gruan Alba Cenko para se ta mbyste përfundimisht. Sipas medias vendase, 39-vjeçari e kishte fshehur çekiçin në papafingo ku mbante trupin e gruas prej ditësh. Siç u bë e ditur dje, pasi e ka goditur me çekiç gruan, më pas 39-vjeçari e ka mbytur.

Shkak mësohet se ka qenë një telefonatë që gruaja ka marrë nga shoku i saj teksa ka hyrë në tualet për të folur me të. 39-vjeçari dëgjoi thirrjen, u zemërua dhe vendosi ta vriste. Lëvizja e tij e parë ishte, sipas burimeve të informuara, të merrte një çarçaf dhe të fshihte trupin e gruas së tij në dhomën e tyre.

Kur fëmijët e tyre u zgjuan të nesërmen në mëngjes dhe u bënë gati për shkollë, ata pyetën babanë e tyre se ku ishte nëna e tyre dhe ai u përgjigj se ajo kishte shkuar në punë. Fëmijët kanë shkuar në shkollë dhe më pas autori i ka çuar te vëllai i tij.

Kur fëmijët duhej të ktheheshin në shtëpi, 39-vjeçari vendosi të telefonojë autoritetet dhe të rrëfejë krimin, duke thënë se vrau gruan e tij të enjten e kaluar.

Thirrja është bërë pak pas orës 18.00 të pasdites. Efektivët e policisë kanë mbërritur në vendngjarje duke ndjerë që në momentin e parë një erë të keqe që vinte nga qeset e zeza që ndodheshin në papafingo të shtëpisë