Dritan Muskurti 44 vjeç dhe bashkëshortja e tij Nora, 33 vjeçe, të cilët humbën jetën ditën e sotme (30 gusht) lanë pas tre fëmijë, dy vajza e një çun.
Ngjarja e rëndë që tronditi kryeqytetin mesditën e sotme (30 gusht) ndodhi në zonën e “Myslym Shyrit”, në orën 16:45 minuta
Në njoftimin për mediat, blutë bëjnë me dije se në rrugën “Islam Alla”, dyshohet se si pasojë e një konflikti familjar, shtetasi Arsen Muskurti, i cili njihej edhe si Hamza Muskurti, dyshohet se ka qëlluar me armë zjarri drejt vëllait të tij shtetasit Dritan Muskurti, 44 vjeç, dhe bashkëshortes së këtij të fundit Nora Muskurti 33 vjeçe, të cilët si pasojë kanë ndërruar jetë.
Shërbimet e Policisë kanë shkuar menjëherë në vendngjarje dhe po vijojnë kontrollin e zonës me qëllim kapjen e autorit.
Grupi hetimor nën drejtimin e Prokurorisë po punon për sqarimin e plotë të rrethanave të ngjarjes.
