Një kroat guximtar ka thyer rekordin e tij botëror për mbajtjen e frymës nën ujë pasi qëndroi i zhytur për gati gjysmë ore. Budimir Buda Šobat, 54 vjeç, ishte tashmë mbajtësi i Rekordit Botëror Guinness, por gjatë fundjavës ai arriti të thyejë rekordin e tij, duke vendosur një kohë të re prej 24 minutash dhe 33 sekonda.
Duke zënë vend në një pishinë në qytetin e Sisak, Šobat ishte nën mbikëqyrje nga mjekët, reporterët dhe mbështetësit ndërsa përfundoi përpjekjen për të thyer rekordin. Ai u bë një nga 10 zhytësit më të mirë në botë. Para se të zhytej ai thithi për disa minuta oksigjen të pastër dhe në këtë mënyrë ishte në gjendje të mbante frymën e tij për më shumë se dyfishin e kohës aktuale të rekordit botëror.
Pavarësisht nga rreziqet , Šobat tha se ishte frymëzuar për të thyer rekordin e tij nga vajza Saša, 20 vjeç, e cila ka paralizë cerebrale, autizëm dhe epilepsi.Përpjekja për thyerjen e rekordit të Šobat u frymëzua gjithashtu nga shpresa e mbledhjes së fondeve për zonën, e cila ishte shkatërruar nga një tërmet në dhjetor, dhe për fëmijët e prekur.
Në veçanti, ai shpreson të jetë në gjendje të rindërtojë Dhomën e Mrekullive të Shoqatës së Personave me Aftësi të Kufizuara të Qarkut Sisak-Moslavina, mjediset e së cilës u shkatërruan nga tërmeti. Para se të zhytej Šobat tha: ‘Unë do të zhytem dhe do të përfshihem sa më shumë që të mundem në mënyrë që t’i ndihmoj të gjithë.”
