Krumë/ Përmbyset mjeti sportiv në Has, humb jetën 46-vjeçari nga Kosova, plagoset vëllai
Një aksident tragjik është regjistruar në livadhet e fshatit Domaj, në njësinë administrative Gjinaj, në Has, ku një 46-vjeçar nga Kosova ka humbur jetën pasi mjeti sportiv që drejtonte është përmbysur.
Viktima është shtetasi A. Q., 46 vjeç, ndërsa në aksident është plagosur edhe vëllai i tij, 38 vjeç, i cili është transportuar në Spitalin e Kukësit, ku po merr ndihmë mjekësore.
Sipas informacionit paraprak të policisë, mjeti sportiv dyshohet se është përmbysur aksidentalisht gjatë lëvizjes.
Grupi hetimor po vijon punën për të zbardhur plotësisht rrethanat dhe shkaqet e aksidentit.
