Kryetarja e LSI-së Monika Kryemadhi, në një bashkëbisedim me qytetarët në Njësinë Adminsitrative Nr. 1 në Tiranë, deklaroi se Lëvizja Socialiste për Integrim i ka dyert e hapura për çdokënd.
“LSI i ka dyert e hapua për çdo njeri që do të jetë pjesë e politikës, do që të ndryshojë të ardhmen e tij. Përveç pandemisë së COVID-19, kemi edhe pandeminë Rama, që po iu merr frymën njerëzve. Ka 7 vjet që bëhen premtime dhe zero realizime”, theksoi ajo.
Në fjalën e saj, Kryemadhi tha se “edhe unë jam socialiste, por nuk jam e rilindjes, por jam socialiste në bindje në mendime, në ideologji. Socialiste nuk do të thotë të ndërtosh lumturinë tënde mbi fatkeqësinë e të tjerëve, socialiste do të thotë të ndash fuqinë, energjinë, pozitivitetin, jetën tënde, me miq, me shokët sepse vetëm kështu do të thotë të jesh në solidaritet njerëzorë, politik, shpirtëror dhe social”.
“Unë e mora vendimin për të qenë socialiste e lirë, dhe unë bashkë me të tjerë eurosocialist krijuam Lëvizjes Socialiste për Integrim dhe sot shumë të rinj e të reja të cilën mbasi shkëpusin jetën politike nga zinxhirët Edi Ramës dhe rilindjes për të qenë të lirë. LSI i ka dyert e hapura jo për çdo socialist, por për çdo njëri që do të jetë pjesë e politikës, do të jetë pjesë e vendimmarrjes së politikës, do të ndryshojë të ardhmen e tij”, tha ajo
Kryemadhi shtoi se “sot në këto kohë të vështira të depresionit ekonomik në këto vite dhe në këtë rrëmujë të jetës së shqiptarëve por dhe në këto muaj të frikës dhe të dhunës psikologjike të pandemisë që përveç se pandemisë se COVID-19 kemi dhe pandeminë Rama që u merr frymën çdo ditë e më shumë njerëzve, jo vetëm me mënyrën e të vepruarit dhe të drejtuarit të Shqipërisë po ju merr frymën njerëzve me fluturat imagjinare të mendjes së tij, ku jo vetëm nuk u krijon shqiptarëve mundësin për të krijuar hapësira, shpresë, mundësi për fëmijët por për kundra i mbyllë ata”.