Kryetarja e Lëvizjes Socialiste për Integrim, Monika Kryemadhi, ka deklaruar se zgjidhja për situatën në Partinë Demokratike mund të zgjidhet vetëm me anë të votimit. E ftuar në emisionin “A Show” në Syri Tv, Kryemadhi u shpreh se në PD duhet të bëhet votim i brendshëm.

“Zgjidhja është e thjeshtë, vota. Të shkojnë në votim të brendshëm”,  tha Kryemadhi.

Kryemadhi tha se dhuna që u pa në datën 8 janar është e njëjtë si ajo që u pa në protestat e djegies së mandateve, duke shtuar se faji për këtë është i Lulzim Bashës.

“Dhunën që kemi parë si jashtë edhe brenda PD është parë në protestat e djegies së mandateve. Politikani është një individ i vetëm që merr për sipër të përfaqësojë interesat e qytetarëve. Lulzim Basha nuk është i fuqishëm dhe qytetarët nuk kanë ku të gjejnë mbështetje”, tha Kryemadhi.