Kryetari i bashkisë Dritan Leli e nis mbarë ditë e dielë. Në faqen e tij FB, ka postuar disa foto, grupe turistësh. Malet e Tragjasit, Llogarasë apo Gadishulli i Karaburunit.
Kanë qenë të rralla fundjavat e këtij viti, vetëm nëse kanë qenë me shi si sot, që malet përreth Vlorës të mos kenë pasur grupe turistësh. Malet e Tragjasit, Llogarasë apo Gadishulli i Karaburunit, edhe pse jetuam muaj të vështirë, kanë njohur turistë si asnjëherë më parë. Vetëm ata që ngjisin malet e njohin gëzimin e arritjes, edukimin dhe lirinë që të dhuron rruga.
Megjithatë, nëse gjatë dimrit malet janë për më guximtarët, pranvera është koha më e bukur kur mund t’i provoni të gjithë, sepse do të shijoni disa nga pamjet më të bukura që keni parë dhe nëse është e vërtetë që njeriu ngjan me klimën dhe terrenin ku rritet, do të njihni më mirë edhe banorët që janë rritur mes detit e malit.
