Moti në vendin tonë për ditën e sotme do dominohet nga mot i kthjellët dhe vranësira të herë pas herëshme. Sipas MetoAlb, mesdita dhe pasditja sërish sjellin shtim të vranësirave dhe reshje në zonat lindore.

Parashikohet që në zonat malore të kemi reshje të pakta dhe të izoluara breshëri. Moti do të përmirësohet gjatë orëve të vona të pasdites.

Temperaturat e ajrit rriten në vlerat minimale dhe maksimale duke u luhatur nga 8°C mëngjesi në zonat malore deri në 26°C mesdita në zonat e ulta.

Era do fryjë mesatare me shpejtësi deri 45 km/h, nga drejtimi permanent Veriperëndimor ndërsa në det të hapur krijohet dallgëzim 4 ballë.