Një grua 34-vjeçare e cila kujdesej për një çifti të moshuar, i ka vjedhur më shumë se 75,000 £ nga llogaria e tyre bankare.
Këto para ajo i ka përdorur në lojërat e fatit, për të blerë drogë dhe për t’u ushqyer.
Rebecca Fidler, 34 vjeç, ishte punësuar për të ndihmuar çiftin në Carlisle, Cumbria për shkak të moshës së thyer. Çifti i besoi asaj kartën bankare për të tërhequr pensionin e tyre, por ajo ia harxhoi të gjitha kursimet e jetës. Bill Gass, një veteran i Marinës Mbretërore i cili shërbeu në flotën e Princit Philip në Luftën e Dytë Botërore, dhe gruaja e tij Annie thanë se nuk kishin asnjë ide se çfarë po bënte Fidler. Gass fatkeqësisht vdiq dhjetorin e kaluar përpara se Fidler të dilte para drejtësisë.
Annie tha për Daily Mail: Ajo mendoi se do të shpëtonte. Ne i besuam asaj. Policia erdhi dhe na tregoi se shumë nga paratë tuaja kanë dalë nga banka. Ajo ishte duke u kujdesur mirë për ne dhe nuk e kuptuam që po na mashtronte që prej fillimit.
Ajo kujdesej për çiftin e moshuar duke i ndihmuar në pastrim, blerje ushqimesh dhe gatim, si dhe duke tërhequr pensionin për ta.
Një hetues mashtrimi raportoi në policinë e Cumbria se shuma të mëdha parash ishin transferuar nga llogaria e të moshuarve në një llogari tjetër që i përkiste Fidler.
Çifti u tronditën kur zbuluan se i kishin mbetur vetëm rreth 2000 £.
Banka ku çifti kishte hapur llogarinë e ka rimbursuar zonjën Gass me 40,000 £. Top Channel
