Tirana-Kukësi është takimi kryesor i javës së 15-të të Kategorisë Superiore. Elita e futbollit shqiptar rikthehet të zbres në fushë këtë fundjavë, pas shtyrjes për shkak të tërmetit të 26 nëntorit. Sfida kryesore luhet në kryeqytet, aty ku përballen dy ekipe pretendente për titull.
Dy skuadrat vijnë në këtë 90 minutësh në situata komplet të ndryshme, me verilindorët që kanë fituar 2-1 ndeshjen e kaluar, ndërkohë që Tirana ra në transfertën e Korçës me rezultat të njëjtë 2-1, ndaj Skënderbeut.
Kukësi ka zbritur ditën e sotme në fushën stërvitore, me Armand Cungun dhe stafin e tij që ka nisur punën për të përgatitur ekipin për sfidën e 7 dhjetorit. Pas 13 javëve të para, Kukësi qëndron në vendin e dytë me 21 pikë, teksa kryeqytetasit mbajnë vendin e 6 me dy pikë më pak.
