Kundërshtojnë prishjen e shtëpive te “5 Maji”, dy qytetarë lidhen në pranga gati për t’u sakrifikuar

Mëngjesin e sotëm IKMT ka nisur një aksion për prishjen e shtëpive te “5 Maji” në Tiranë në kuadër të procesit të rindërtimit. Por aksioni i sotëm është shoqëruar me përplasje të forta me qytetarët pasi nuk duan të largohen nga pronat e tyre. Rezistenca e tyre ka vazhduar pasi nuk janë dakordësuar me bashkinë që shtëpitë t’iu prishen. Por në një moment kur fadrromat e IKMT-së kanë mbërritur shumë pranë banesës së tyre, dy qytetarë i kanë vendosur prangat njëri-tjetrit brenda mureve të shtëpisë, për të kundërshtuar shembjen e shtëpisë. Ato janë lidhur me pranga edhe me portën kryesore të shtëpisë.