Pyetjes se kur do të nisë Shqipëria përdorimin e testeve të shpejta, ministrja Manastirliu nuk iu përgjigj me një datë të caktuar, por u shpreh se vendi ynë i ka gati financimet dhe se ka aplikuar në institucionet evropiane përgjegjëse dhe të certifikuara.
“Mes masave të kufizimit të virusit është dhe testimi, gjurmimi dhe izolimi. E rëndësishme është paketa e masave dhe brenda kësaj pakete roli i testimit kur ai shoqërohet me gjurmin dhe izolim është shumë i rëndësishëm. Në kuadër të rritjes së kapaciteteve testuese, testimet e kryera janë 4 herë më shumë se në qershor por nuk do të ndalemi këtu se në strategjitë tona po punojmë të rrisim kapacitetet dhe të fusim testet e shpejta. Financimin e këtyre testeve e kemi gati dhe aktualisht është aplikuar në instrumentin evropian për blerjen e testet të sigurta sepse është e rëndësishmë siguria në testim dhe në këtë moment kemi aplikuar dhe kemi gati financimin dhe do të mbështetemi dhe nga OBSH për të blerë testet e shpejta. Qeveria shqiptare ka gati financimin”, tha Manastirliu pa caktuar një afat kohor.
Të njëjtës pyetje drejtori i OBSH për Evropën Hans Kluge iu përgjigj: “Po përpiqemi të shkurtojmë afatin, por për tu treguar objektiv shkenca nuk ka lëvizur kurrë kaq shpejt, qoftë për testet, mjekimin apo dhe vaksinën.
Ne po kordinohemi dhe po përpiqemi sa më shpejt ta shkurtojmë këtë afat”.
