Në vigjilje të 25 Nëntorit, 15 vjetorit të pranimit të Iso-polifonisë shqiptare në UNESCO Në 28 Dhjetor 2020, mbush plot 26 vite nga dita e krijimit. I krijuar ligjërisht më 28 Dhjetor 1994, Folk Grup “Bilbili”, shënon një biografi nga më të pasurat ndër grupe të tjerë, me një aktivitet të madh koncertor brenda e jashtë vendit. Me një pjesëmarrje të jashtëzakonshme, sidomos në festivale ndërkombëtare në shumë vende të Ballkanit e Europës. Historike mbetet pjesëmarrja në Festivalin e Parë Botëror të Folklorit, Hollandë 1996 si dhe ftesa e shtyrë për pjesëmarrje në Festivalin e Gjashtë Botëror, Rusi 2020 (shtyrë për 2021). Në nderim të 25 nëntorit, po publikoj disa foto të grupit gjatë pjesëmarrjes në disa prej aktiviteteve të ndryshme, brenda dhe jashtë vendit. Në respekt gjithashtu të themeltarëve të këtij grupi në ditën e krijimit dhe nisjen e këngës së “Bilbilit” po citoj emrat e tyre:
Sejmen Gjokoli, Drejtor, Lefter Çipa, Drejtues artistik, Këngëtarë: Ermioni Mërkuri, Qirjako Bala, Piro Mërkuri (Pilur) Arap Çeloleskaj, Sinan Gjoleka, Spiro Çino (Vranisht) Arjan Shehu, Mehmet Vishe, Petrit Lulo (Gjirokastër) Atashuar menjëherë pas themelimit: Leko Gjoleka, Bego Vangjeli, Sulo Bozhani (Dukat) Theksojmë se gjatë viteve në vazhdim e deri në ditët e sotme kanë kontribuar edhe mjaft këngëtarë të tjerë të nderuar ku, të gjithë bashkë, bëjnë historinë brilante të grupit “Bilbili”, Vlorë. Grupi ” Bilbili” është anëtar i Cioff prej vitit 1995. Nga Sejmen Gjokoli
