Në tregun e këmbimit valutor vendas, të mërkurën monedha e gjelbër amerikane forcoi pozitat ndaj lekut, ndërsa euroja u zhvlerësua me 0,10 lekë krahasuar me një ditë më parë. Sipas kursit zyrtar të Bankës së Shqipërisë dollari këmbehet me 105,62 lekë ose 0,38 lekë më shumë se një ditë më parë.
Monedha e përbashkët europiane këmbehet me 123,98 lekë ose 0,10 lekë më pak. Në raport me monedhat e tjera të huaja, rezulton se sot, Leku forcoj pozitat me paundin britanik dhe frangën zvicerane, përkatësisht në vlerat 0,53 lekë dhe 0,12 lekë. Monedha britanike këmbehet me 136,75 lekë dhe franga zvicerane këmbehet me 115,43 lekë.
