Kursi i këmbimit në një javë/ Leku i qëndrueshëm ndaj monedhave të huaja

Në tregun e këmbimit valutor vendas, gjatë javës 22-28 qershor 2020, leku ka ruajtur pozita të qëndrueshme në raport me monedhat e huaja. Sipas kursit zyrtar të Bankës së Shqipërisë, euroja u këmbye me 124, 23 lekë ditën e hënë dhe shënoi luhatje të lehta gjatë javës për të arritur sërish në kuotën e 124,23 lekëve në fundjavë. Pozitat të qëndrueshme regjistroi edhe dollari amerikan. Monedha e gjelbër amerikane u këmbye në fillim javë me 110,83 lekë dhe zhvlerësua lehtë në kuotën e 110,20 lekëve, këtë fundjavë. Paundi britanik gjithashtu nga niveli 137,67 lekë që këmbehej të hënën zbriti në kuotën e 137,32 lekëve këtë fundjavë. Ndërsa franga zvicerane sot këmbehet me 116,83 lekë, kundrejt nivelit 116, 70 lekë që ishte në fillim javë.