Në tregun e këmbimit valutor vendas, të martën dollari u zhvlerësua lehtë në këmbimin me lekun, ndërsa euroja forcoi pozitat me 0,12 lekë, krahasuar me një ditë më parë.
Sipas kursit zyrtar të Bankës së Shqipërisë, dollari amerikan këmbehet sot me 105,17 lekë ose 0,02 lekë më pak se ditën e hënë. Ndërsa euroja u forcua me 0,12 lekë dhe këmbehet në kuotën e 123,77 lekëve. Në pozita të trendit rritës këmbehen sot edhe paundi britanik e franga zvicerane. Monedha britanike këmbehet me 137,68 lekë ose 0,31 lekë më shumë dhe franga zvicerane u forcua me 0,30 lekë dhe këmbehet me 115,14 lekë.
