Viti 2021 fillon mbarë edhe me rritjen e pagës së mësuesve prej 15%. Kështu u shpreh sot ministrja e Arsimit, Sportit dhe Rinisë, Evis Kushi, e cila theksoi se “puna e palodhur, përkushtimi dhe sakrificat e pareshtura të çdo mësuesi në vend do të kenë gjithmonë vëmendjen tonë”. Ministrja Kushi bëri të ditur se “në vitin 2017 paga e mësuesve u rrit me 10%, në 2019 me 7% dhe në 2021 me 15%”.
Më herë ministrja e Kushi e ka konsideruar rritjen e pagës së mësuesve një nga lajmet më të mira të buxhetit 2021. “Rritja e pagave për të gjithë punonjësit e arsimit parauniversitar do të jetë 15% me një efekt financiar prej 3.5 miliardë lekë”, – ka thënë Kushi. Ministrja Kushi ka theksuar gjithashtu se “mësuesit meritojnë gjithnjë e më shumë, sidomos në këtë periudhë që ata po tregojnë përkushtim të jashtëzakonshëm çdo ditë, sakrificë, vendosmëri për përballimin e situatës për COVID-19. Ata meritojnë të gjithë mbështetjen, respektin, mirënjohje e solidaritetin pa kufi”
