Personi në foto është Altin Alikaj, ish-ushtaraku i cili u gjet i pajetë mëngjesin e sotëm në banesën e tij. Policia raporton se plagët në kokën e viktimës janë të ngjashme me ato të shkaktuara nga a rma e zjarrit. Viktimës i është gjetur një plumb në shpatull në anën e majtë, si dhe një frakturë në kokë.
Po ashtu, mendohet se viktima është dhunuar para se të vritej, ndërkohë që ngjarja ka disa ditë që ka ndodhur.
Po ashtu ka dyshime se ish-ushtaraku ishte përdorues i drogës, kryesisht heroinës. Nga hetimet e deritanishme, ka disa pista që hetohen për v rasjen, ku e para dyshohet që të ketë lidhje për konflikte d roge, por nuk përjashtohet as grabitja. Gazetari raporton se 46-vjeçari para disa kohësh ka qenë në Kosovë dhe sipas burimeve atij ishte mbajtur pasaporta dhe më pas ka ardhur ilegalisht.
Burimet thanë se pas vrasjes, që mendohet se ka qenë e mirëorganizuar, viktimës i është marrë dhe telefoni, i cili rezulton i zhdukur.
NJOFTIMI I POLICISE, Në vijim informacionit paraprak, i cili bën fjalë për ngjarjen e ndodhur në lagjen “24 Maji”, ku është gjetur i pajetë, në banesë, nga nëna e tij, shtetasi A. A., 46 vjeç, i cili ishte shpallur i humbur më datë 11.02.2022, ju bëjmë me dije se: Nga këqyrja paraprake në trupin e shtetasit A. A., janë konstatuar dëmtime të ngjashme, si ato të shkaktuara me armë zjarri.
Trupi i viktimës ndodhet në morgun e Vlorës, për ekzaminime të mëtejshme. Grupi hetimor, nën drejtimin e Prokurorisë, po punon për dokumentimin e plotë të ngjarjes dhe grumbullimin e provave që do të çojnë në identifikimin e autorit/ve të ngjarjes.
