GA Telesis LLC ka dhënë dy avionëve A320 me qira afatgjatë për Air Albania. Avionët janë pjesë e flotës në pronësi të GA Telesis dhe iu dorëzuan Air Albania në tremujorin e parë të vitit. Këta avionë u blenë nga GAT vitin e kaluar me objektivin e dhënies së tyre me qira, duke mbështetur zgjerimin e shërbimeve ajrore të Air Albania.
“Ne jemi të ngazëllyer për të mbështetur planet e rritjes së flotës së Air Albania ndërsa ato vazhdojnë t’u shërbejnë kërkesave në rritje të udhëtimeve ajrore të tregut të tyre.
Ky është një shembull tjetër i shkëlqyer i ekosistemit GA Telesis në punë; konsolidimi i origjinës së aseteve, ekspertizës teknike dhe rimarketimit të avionëve për një blerje, tranzicion dhe vendosje të suksesshme” komentoi David Ellis, Shefi Global i Leasing dhe Tregtisë për Asset Transaction Group (ATG), një divizion i LIFT.
Ndërsa kreu i Air Albania Sinan Dilek u shpreh se ky bashkëpunim tregon një partneritet të frytshëm dhe se është dëshmi për të përmbushur kërkesat e udhëtarëve të vendit.
“Ne jemi të emocionuar që jemi partnerë me GA Telesis dhe shtojmë këto dy avionë A320 në flotën tonë si pjesë e planeve tona të zgjerimit. Këto asete me cilësi të lartë do të mbështesin përpjekjet tona për të përmbushur kërkesën në rritje për udhëtime ajrore në rajonin tonë dhe për të ofruar shërbime të jashtëzakonshme për pasagjerët tanë.
Ne vlerësojmë ekspertizën e GA Telesis në origjinën e aseteve, njohuritë teknike dhe rimarketimin e avionëve, e cila ka lehtësoi një proces të suksesshëm blerjeje dhe tranzicioni. Ky partneritet është një dëshmi e fuqisë së ekosistemit GA Telesis dhe ne presim një bashkëpunim të frytshëm me ta” tha Sinan Dilek, CEO i Air Albania
Ky partneritet midis GA Telesis dhe Air Albania nënvizon angazhimin e tyre të ndërsjellë për të përmbushur kërkesat në rritje të udhëtimeve ajrore dhe për të ofruar shërbime për pasagjerët.
Dorëzimi i këtyre avionëve A320 përfaqëson një moment historik të rëndësishëm në përpjekjet e tyre bashkëpunuese për të mbështetur planet e zgjerimit të Air Albania dhe adresimin e nevojave në zhvillim të tregut global të pasagjerëve.
