Lajme

Autobusët e mbipopulluar, Rakacolli: Është zgjedhje personale e qytetarëve

Zëvendësministrja e Shëndetësisë, Mira Rakacolli, njëherësh kryetarja e Komitetit Teknik të Ekspertëve teksa iu bëri thirrje qytetarëve që të respektojnë masat, u pyet edhe në lidhje me situatën nëpër linjat e urbanit që janë të mbipopulluara dhe ku nuk ruhet distanca. Ajo tha se hipja në autobusë është zgjedhje personale e gjithsecilit, ndërkohë që iu sugjeroi qytetarëve që të zgjedhin orare të përshtatshme.

Po ashtu ajo tha se ka fëmijë të shtruar me COVID në spital, por tashmë situata është më mirë krahasuar me dy javë më parë. “Kemi fëmijë të shtruar, që paraqesin forma të rënda, por ka një përmirësim të lehtë sa i takon dy javëve më parë. Unë vazhdoj të mbetem tek fakti se kontrolle në terren bëhen, por duhet të kemi parasysh një gjë që të hipësh në autobus është zgjedhje personale. Suksesi arrihet me bindje. Nuk të detyron njeri që të hipësh në autobus, por zgjidhet dhe një orar i përshtatshëm për të mbrojtur veten dhe anëtarët e familjes.

Ndaj, duhet të drejtohemi tek bindja dhe tek ajo që nuk duhet t’i shkelim dhe të respektojmë distancën. Në spitalet e tjetra të vendit janë ata pacientë postcovid, apo ata që presin në triazhim. Të sëmurët me covid trajtohen vetëm në ato spitale që janë shpallur si të tillë”, tha ajo.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: