Lajme

Bujar Leskaj, Prezanton kandidatët për deputetë për zgjedhjet e 25 prillit 2021 në minishtabin e Rajonit 4

Në minishtabin e Rajonit 4, përpara anëtarëve dhe simpatizantëve të Partisë Demokratike të Grupseksioneve të lagjeve “24 Maji”, “1 Maji” “Lef Sallata” dhe “Pavarësia”, së bashku me kryetarin e degës, Genc Deromemaj prezantuam kandidatët për deputetë për zgjedhjet e 25 prillit 2021: z. Gëzim Ademaj, znj. Nada Meçorapaj dhe z. Edmond Fetahu.

Ndryshe nga Partia Socialiste, Partia Demokratike ka jo vetëm program, të cilin ka disa javë që e prezanton përpara shqiptarëve, por edhe një ekip të përgjegjshëm e me integritet, fitues e dinjitoz, garanci për ndryshimin dhe fitoren në 25 prill dhe do t’i sjellë Vlorës prestigjin që meriton.

Fushata jonë qytetare do të finalizohet me fitore dhe vota jonë për PD do të jetë vaksina më e sigurtë për mposhtjen e Rama- virusit!

U shpreh besimi në fitore dhe anëtarët e grupseksioneve shprehën mobilizimin për punë të palodhur në finishin e kësaj fushate, e cila do të kurorëzohet me fitoren e Demokracisë, me fitoren e Shqipërisë dhe të shqiptarëve të përgjegjshëm e demokratë.

Kandidatja Nada Meçorapaj falenderoi të gjithë demokratët e Vlorës për përkushtimin, punën dhe qëndresën e tyre, duke shprehur angazhimin se së bashku me strukturat dhe demokratët vlonjatë do të bëjnë ndryshimin. Vlerësim dhe obligim për fitoren jo vetëm në zonën e Selenicës, por në krejt qarkun e Vlorës, ishte mesazhi që përcolli kandidati i komunitetit çam, Gëzim Ademaj.

Falenderimi më i madh për besimin që tregoi PD duhet të jetë puna e të gjithë kandidatëve, kryesisë dhe anëtarëve për maksimalizimin e votave, u shpreh kandidati Edmond Fetahu si përfaqësues i komunitetit çam, i cili tha se pas Çamërisë Partia demokratike është shtëpia e përbashkët e këtij komuniteti.

Anëtarët e PD të grupseksioneve të Rajonit 3 dhe 4 njëzëri shprehën mbështetjen për kandidatët, besimin në fitore dhe angazhimin maksimal për të punuar në mënyrë që 25 prilli të jetë dita kur ekipi fitues i Partisë Demokratike do të largojë Edi Ramën nga pushteti dhe do të vërë në jetë aspiratën e Studentëve të Dhjetorit për ta bërë “Shqipërinë si gjithë Evropa” dhe për ta vënë Shqipërinë në vendin që meriton në familjen europiane.

25 prilli do të jetë dita kur ekipi fitues i Partisë Demokratike do t’ua kthejë Shqipërinë qytetarëve Shqiptarë. Pas takimit me strukturat pata edhe shumë takime me banorë të lagjes. Së bashku për fitoren! 25Prill#ShqipëriaFiton

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: