Tirana sot ka pritur “Defender Europe 21”, ku më herët u bë me dije se do ketë surpriza të shumta për qytetarët në tokë dhe ajër në sheshin “Nënë Tereza”. Mësohet se të pranishëm në shesh janë Ambasadorja Yuri Kim, Kryeministri Edi Rama, Presidenti Ilir Meta si dhe Ministri i Mbrojtjes Niko Peleshi.

Prej ditësh “Defender Europe 21” është në Shqipëri. Kujtojmë se kjo është stërvitja më e madhe ushtarake që është zhvilluar në Ballkanin Perëndimor dhe Shqipëria është vendndodhja kryesore.

Me mijëra trupa nga SHBA, por edhe aleatë të tjerë të NATO-s, disa prej të cilëve janë të përfaqësuar,  po demonstrojnë një rritje të aftësive ushtarake për të bashkëpunuar së bashku si aleatë ushtarakë. Në këtë stërvitje janë angazhuar mbi 28 mijë ushtarë, shumica e të cilëve janë amerikanë.