Ka shpërthyer vullkani në Malin Nyiragongo, në Kongo, duke vënë në rrezik jetën e mijërave njerëzve. Mediat ndërkombëtare kanë bërë me dije se qeveria ka nisur planin e evakuuimit, ndërkohë që shumë banorë të panikosur kanë lënë banesat e tyre, dhe janë nisur drejt një vendi më të sigurt.
Vullkani me vendndodhje 10 kilometra nga qyteti Goma, shpërtheu për herë të fundit në vitin 2002 duke lënë të vdekur 250 persona dhe duke lënë të pastrehë 120 mijë njerëz.
Turmat u panë me dyshekë dhe me sende të tjera në duar, duke ikur drejt kufirit me Ruandën në lindje, madje edhe para njoftimit të qeverisë, që erdhi disa orë pasi filloi shpërthimi. Autoritetet e Ruandës thanë se rreth 3,000 njerëz tashmë kishin kaluar zyrtarisht nga Goma.