Këshilli i Mandateve do të mblidhet nesër në orën 16:00 për të shqyrtuar kërkesën e SPAK për heqjen e imunitetit të Arben Ahmetajt si deputet, për t’i hapur rrugë arrestimit të tij.
Në mbledhje do të shqyrtohet kërkesa e Prokurorisë së Posaçme kundër Korrupsionit dhe Krimit të Organizuar për dhënie autorizimi për arrestimin e Ahmetajt dhe ushtrimin e kontrollit në banesën e tij.
Sipas kërkesës së SPAK, mbledhja e ditës së nesërme do të zhvillohet me dyer të mbyllura për të respektuar kuadrin ligjor mbi ruajtjen e sekretit hetimor.
Sekretari i Përgjithshëm pritet të njoftojë Ahmetajn në lidhje me zhvillimin e mbledhjes.
Nga ana tjetër, opozita kërkoi që këshilli i mandateve të mblidhej gjatë ditës së sotme për të mos humbur kohë për ekzekutimin e urdhrit të SPAK, kërkesë e cila nuk është marrë parasysh.
