Dy nëna kanë braktisur fëmijët e tyre, të mitur. Nënat nga Vlora, në dy raste të veçanta, kanë kryer këtë akt, ndërsa sipas burimeve të Policisë Vendore, mësohet se u referuan materialet në Prokurorinë pranë Gjykatës së Shkallës së Parë Vlorë, për A. M., 28 vjeçe , banuese në Selenicë dhe G. H., 44 vjeçe, pasi akuzohen për “Braktisje e fëmijëve të mitur”.
Komisariati i Policisë Vlorë
- Më datë 09. 11. 2018, u referuan materialet në Prokurorinë pranë Gjykatës së Shkallës së Parë Vlorë, për shtetasen A. M., vjeçe 28, banuese në Selenicë. Neni 124 i Kodit Penal.
- Më datë 09. 11. 2018, u referuan materialet në Prokurorinë pranë Gjykatës së Shkallës së Parë Vlorë, për vlerësim, për shtetasen G. H., vjeçe 44. Neni 124 i Kodit Penal.
Neni 124
Braktisja e fëmijëve të mitur
(Ndryshuar paragrafi I me ligjin nr. 8733, datë 24. 01. 2001)
Braktisja e fëmijës nën moshën 16 vjeç nga prindi ose personi që është i detyruar të kujdeset për të, dënohet me gjobë ose me burgim gjer në tre vjet.
Kur nga vepra është shkaktuar dëmtimi i rëndë i shëndetit ose vdekja e fëmijës, dënohet me burgim nga tre gjer në dhjetë vjet.
