Në Itali janë shitur shtëpi me çmim prej 1 euro. Arsyeja e këtyre çmimeve, është se fshatrat janë të pabanuara, dhe autoritetet italiane atje, kanë për qëllim që të nxisin njerëz për të blërë shtëpi, në mënyrë që të rikthejnë jetën atje, shkruan Gazeta Metro.
Titujt e mëdhenj të mediave të rëndësishme, si CNN, kanë mahnitur miliona njerëz, të cilët u joshën nga ideja e braktisjes së metropoleve të zhurmshme për një jetë më të qetë. Kërkesat vërshuan nga të gjitha anët. Por çfarë ndodhi me ata që blenë vërtet? A i priti jeta e bukur që mendonin? CNN Travel foli me disa prej atyre që vendasit i quajnë “qytetarë 1 euro”. Tri fshatrat, ku ata blen shtëpi për 1 euro, quhen; Gangi fshat në Sicili, Carrega Ligure në Piedmont dhe Lecce nei Marsi në Abruzzi.
Francezja Morgane Guihot me të shoqin ishin nga të parët që blenë shtëpi dhe nuk ngurruan të nisin riparimet, sepse banesa kishte nevojë. Ata kanë ndërmend ta përdorin si shtëpi pushimesh, përcjell albinfo.ch. “Vendi është fantastik, dhe njerëzit mjaft të dashur”, thotë çifti, ndërsa shton se nuk ka pasur surpriza të pakëndshme.
Ndërkohë, belgu Patrick Janssen rrëfen se praktikisht iu treguan nja 25 shtëpi të vjetra që kishin nevojë për riparime të mëdha. “Nëse ke mundësi të investosh, ato mund të bëhen mjaft të përshtatshme për të jetuar edhe përgjithmonë, e jo vetëm për të kaluar pushimet”, shpjegoi ai.
Ndërkohë, nisur nga kërkesa e jashtëzakonshme në Sambuca, kryebashkiaku që nuk mund t`u përgjigjej pozitivisht të gjithëve, i nxori në ankand shtëpitë e mbetura e ua dha personave që ofruan më shumë, duke bërë që disa prej tyre të shiteshin deri në €25,000.