Ditën e sotme Qeveria Gjermane ka propozuar që mbyllja e kufijve të BE-së të shtyhet deri më 31  gusht, pavarësisht se deri më tani Gjermania pati njoftuar se kufijtë nuk do të mbahen të mbyllur pas 15 qershorit. Ndërkohë pritet vendimi i Bashkimit Europian  për propozimin e Gjermanisë. Qeveria gjermane po planifikon të zgjasë mbylljen e kufijve me 160 vende jashtë Bashkimit Evropia, përfshirë këtu edhe Shqipërinë deri më 31 gusht, pasi kombet në mbarë botën vazhdojnë të luftojnë kundër pandemisë koronavirus.

Sipas mediave të huaja mësohet  kabineti qeveritar dëshiron të marrë një vendim këtë të mërkurë, por përjashtime mund të bëhen vetëm për vende të cilat plotësojnë kriteret e duhura në kuadër të Covid-19. Mes vendeve europiane që do të lejohen të udhëtojnë janë, 26 vendet partnere të Gjermanisë në Bashkimin Evropian dhe Mbretërinë e Bashkuar që largohet nga BE, si dhe katër vendet e zonës Shengen që nuk i nënshtrohen kontrolleve kufitare që nuk janë anëtare të BE-së: Islanda, Norvegjia, Zvicra dhe Lihtenshtajni. Ndërkohë për  29 vende, anulimi do të bëhet më 15 qershor, për Spanjën dhe Norvegjinë më vonë, sepse kufizimet e hyrjes ende zbatohen atje.