Gazetarja Ornela Hila ka nisur një iniciativë të vecantë në rrjetet sociale, lidhur me zgjedhjet e 25 prillit.

Ajo ka hedhur tre hashtag, duke ju kërkuar vlonjatëve e shqiptarëve ti bashkohen, duke postuar foto pikërisht më këto hashtag. #amanetvotëntimë, #votoedhepërmua dhe #mambrovotën, me të cilët Hila synon të bashkojë shqiptarët në të gjithë botën që në 30 ditë të ndikojnë rezultatin e zgjedhjeve të 25 prillit, për të shtuar pjesëmarrjen në zgjedhje e njëherazi për të mundësuar mbrojtjen e votës që ndër vite është vjedh e tjetërsuar, sipas saj.

Ja cfare ka postuar Ornela Hila në rrjetet sociale e qindra grupe shqiptarësh në mbarë botën: “Të nderuar miq kam vendosur të coj përpara një iniciativë ku t’ju kërkoj vlonjatëve dhe shqiptarëve të kenë parasysh, mua e cdo emigrant tjetër që s’votojmë dot në këto zgjedhje.

Të na kenë amanet votën, #amanetvotëntime pasi janë ata që kanë përgjegjësinë të zgjedhin edhe për ne që s’jemi aty. Ata votojnë edhe për ne e fëmijet tanë që s’kanë të drejtë vote. #votonedhepërmua, e ata duhet të na mbrojnë votën që do të hidhet në kutitë e votimit në 25 prill. #mambrovotën .

Nga shqiptarët, edhe në emrin tonë. Kemi kohë 30 ditë ti bindim. Bëni dhe ju një foto e postojeni me këto tre hashtag në profilet tuaja kudo: Të bëhemi sa më shumë! #amanetvotëntime #votonedhepërmua #mambrovotën”