Tre pjesëtarë të një familje te ‘Vasil Shanto’ kanë hipur në tarracë për të mbrojtur me trupin e tyre shtëpinë, që preket nga projekti i rrugës. Ata shprehen se nuk do të dalin nga shtëpia, pasi nuk kanë marrë kompensimit, teksa nuk kanë munguar përplasjet me INUV.
Kryefamiljari i shtëpisë ka qëlluar me tjegulla në drejtim të punonjësve dhe fadromës, që po tentonte shembjen e shtëpisë. Ai thekson se shtëpia është me dokumente të rregullta. “Ca policie, hale m*ti. Më sill letra atë bëj. Unë jam me letra, ju duhet të më mbroni mua, jo shtetin”, dëgjohet teksa u thotë ai punonjësve të policisë.
E zonja e shtëpitë thotë se është e gatshme të lërë shtëpitë, po vetëm në momentin që do të marrë kompensimin.
“Të më japë lekët, le të bëhet rruga, po të më japin lekët. Po s’më dhanë lekët, ku të shkoj unë, në hënë? E kemi me hipotekë, legalizim”, dëgjohet të thotë ajo.