Një avion japonez bëri një ulje emergjente në Japoninë qendrore të shtunën pasi autoritetet morën një kërcënim për bombë nga një telefonues anonim.

Aeroporti Narita i Tokios mori telefonatën në orën 6:20 të mëngjesit me kohën e Japonisë nga një burrë në Gjermani duke thënë në anglisht se ai kishte vendosur një bombë në aeroplan.

Fluturimi i brendshëm nga Narita në qytetin jugperëndimor të Fukuoka u devijua në aeroportin e Chubu, tha një zëdhënës i aeroportit Chubu për CNN. Të gjithë 136 pasagjerët dhe gjashtë anëtarët e ekuipazhit në bord u evakuuan shëndoshë e mirë.

Të paktën pesë persona u plagosën lehtë gjatë daljes nga avioni, ndërsa duke cituar burime policore, NHK tha se telefonuesi pretendonte se kishte vendosur 100 kilogramë eksploziv plastik në ngarkesën e avionit dhe kërkoi të fliste me “menaxherin” ose ai do t’i aktivizonte.