Lajme

Klodiana Lala hedh dyshime të forta: Çfarë dokumentash morën grabitësit në shtëpinë e Çangut?

Një ngjarje e rëndë tronditi Fushë Krujën, ku biznesmeni Nazmi Çangu, u torturua dhe u grabit në banesën e tij, ku ndodhej edhe familja.

Gazetarja Klodiana Lala, duke folur për emisionin “Të Paekspozuarit” në MCN TV, ka sqaruar se grabitësit në shtëpinë e Çangut, kanë kërkuar me insistim hapjen e kasafortës jo vetëm për të marrë para, por edhe për të marrë disa dokumenta.

Në shtëpinë e Nazmi Cangut janë marrë para dhe dokumenta. Se cfarë dokumenta bëhet fjalë, mbetet për t’u sqaruar. Personi nuk ka pranuar të japë shpjegime. Nazmi Cangu ka qenë dëshmitar në procesin e Emiljano Shullazit, ku doli për një borxh dhënë të penduarit të drejtësisë, Ylvi Beqja. 

Ai e njeh botën e krimit, është ngjarje shumë e rëndë. Cili është personi i pamaskuar në vendngjarje? E bija dhe bashkëshortja kanë dijeni se kush është.

Nazmi Cangu ka kafshuar njërin prej tyre dhe ka mbetur profil gjaku në vendngjarje.

Bëhet fjalë për zonën e Niklës, ngjarja mund të marrë përmasa më të mëdha nëse nuk do të zbardhet. Çangu e konsideronte të sigurt veten në atë zonë.

Duhet të kemi parasysh, që ai jepte para me fajde. Duhet të faktohet se cfarë dokumentash kanë kërkuar agresorët. Sipas vajzës së Çangut, ata kanë qenë më dialekt nga Kurbini“, tha ndër të tjera Lala. /TPZ.al/

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: