Ministri i Mbrojtjes, Niko Peleshi ka reaguar për ngjarjen aksidentin tragjik në Kroaci, ku ndërroi jetë 41-vjeçari Gazmir Korbi.
Përmes një postimi në rrjete sociale, Peleshi shpreh ngushëllime familjarëve të Korbit. Siç shkruan ministri i mbrojtjes, Korbi ishte pjesë e Komandës së Forcës Ajrore shqiptare.
Postimi i Niko Peleshit:
I dhimbshëm lajmi i ndarjes nga jeta të Gazmir Korbit, në aksidentin e ndodhur në Kroaci. Ai nuk mundi të kthehej më mes kolegëve të tij në kompaninë e mbështetjes në Komandën e Forcës Ajrore pas lejes së zakonshme. Ngushëllime familjes për këtë humbje të madhe dhe të parakohshme!
Aksidenti tragjik ndodhi mbrëmjen e djeshme në Kroaci në rrugën kombëtare Split-Zagreb. Si pasojë ka humbur jetën 41-vjeçari Gazmir Korbi ndërsa 7 të tjerë janë plagosur.
